يابنت لو صحتي من الصبح لليل
والله مانقدر على خاطفينك
نخاف نزعلهم ويسقوننا الويل
مير اصبري والله عليهم يعينك
ندري قهر. لكن ماعندنا حيل
نفك حبلٍ ملتوي في يدينك
والله ثم والله نغليك بالحيل
وبقلوبنا منذو الأزل شايلينك
لكن ماحنا على سبّق الخيل
من شان ناصل لك ونلثم جبينك
وكانك تبين الصدق مابه رياجيل
كفي نداك وآهتك طالبينك
عنك انشغلنا بالغنا والمواويل
ولابه قلوبٍ ترتجف من ونينك
الجيل الاول راح واليوم هالجيل
يابنت والله مانشد عنك وينك
جيل الترف جيلٍ كما زبدة السيل
والله مايدري عن اسمك ودينك
مير الامل يبقى على رب جبريل
يهزم عدوينك وترجع سنينك
منقول
الإثنين يونيو 21, 2010 9:51 am
